Mysore

ಕರ್ನಾಟಕದ ಹೆಮ್ಮೆಯ ಸಂಭ್ರಮ – ಕನ್ನಡ ರಾಜ್ಯೋತ್ಸವ 2026 | ಶ್ರೀ ಸ್ವಾಮಿನಾರಾಯಣ ಗುರುಕುಲ, ಮೈಸೂರು

Published On: November 14, 2026

*ಶ್ರೀ ಸ್ವಾಮಿನಾರಾಯಣ ಗುರುಕುಲ ಅಂತರಾಷ್ಟ್ರೀಯ ಶಾಲೆ ಮೈಸೂರಿನಲ್ಲಿ
*ಕನ್ನಡ ರಾಜ್ಯೋತ್ಸವ ಆಚರಣೆ – 2026*

*ದಿನಾಂಕ:* ನವೆಂಬರ್ 13, 2026 | *ಸ್ಥಳ:* ಶ್ರೀ ಸ್ವಾಮಿನಾರಾಯಣ ಗುರುಕುಲ ಅಂತರಾಷ್ಟ್ರೀಯ ಶಾಲೆ ಆವರಣ, ಮೈಸೂರು

ಕರ್ನಾಟಕದ ಹೆಮ್ಮೆಯ ಹಬ್ಬವಾದ 71ನೇ ಕನ್ನಡ ರಾಜ್ಯೋತ್ಸವವನ್ನು ಶ್ರೀ ಸ್ವಾಮಿನಾರಾಯಣ ಗುರುಕುಲ, ಮೈಸೂರಿನಲ್ಲಿ ಅತ್ಯಂತ ವಿಜೃಂಭಣೆಯಿಂದ ಆಚರಿಸಲಾಯಿತು.

*ಕಾರ್ಯಕ್ರಮದ ಮುಖ್ಯಾಂಶಗಳು:*

ಬೆಳಿಗ್ಗೆ 8:30ಕ್ಕೆ ಧ್ವಜಾರೋಹಣದೊಂದಿಗೆ ಕಾರ್ಯಕ್ರಮಕ್ಕೆ ಚಾಲನೆ ನೀಡಲಾಯಿತು. ಕನ್ನಡ ನಾಡಿನ ಗೀತೆ “ಜಯ ಭಾರತ ಜನನಿಯ ತನುಜಾತೆ” ಹಾಡಿನೊಂದಿಗೆ ಎಲ್ಲರ ಮನದಲ್ಲಿ ನಾಡಭಿಮಾನ ಮೂಡಿತು. ವಿದ್ಯಾರ್ಥಿಗಳು ಕನ್ನಡ ನಾಡು-ನುಡಿಯ ವೈಭವ ಸಾರುವ ನೃತ್ಯ, ಭಾಷಣ, ಕವಿತೆ ಹಾಗೂ ಜಾನಪದ ಗೀತೆಗಳನ್ನು ಪ್ರಸ್ತುತಪಡಿಸಿದರು.

*ಗಣ್ಯರ ಉಪಸ್ಥಿತಿ:*

ಕಾರ್ಯಕ್ರಮದ ದಿವ್ಯ ಸಾನಿಧ್ಯವನ್ನು *ಪರಮ ಪೂಜ್ಯ ತೀರ್ಥಸ್ವರೂಪ ದಾಸ ಸ್ವಾಮೀಜಿ* ಅವರು ವಹಿಸಿದ್ದರು. ಸ್ವಾಮೀಜಿ ಅವರು ತಮ್ಮ ಆಶೀರ್ವಚನದಲ್ಲಿ “ಕನ್ನಡ ಭಾಷೆ ಕೇವಲ ಭಾಷೆಯಲ್ಲ, ಅದು ಸಂಸ್ಕಾರ” ಎಂದು ವಿದ್ಯಾರ್ಥಿಗಳಿಗೆ ತಿಳಿ ಹೇಳಿದರು.

ಮುಖ್ಯ ಅತಿಥಿಗಳಾಗಿ *ಡಾ. ಕಾರ್ತಿಕ್* ರವರು ಆಗಮಿಸಿದ್ದರು. ಅವರು ಕನ್ನಡ ಭಾಷೆಯ ಇತಿಹಾಸ, ಕನ್ನಡಿಗರ ಸಾಧನೆ ಮತ್ತು ಯುವ ಪೀಳಿಗೆಯ ಜವಾಬ್ದಾರಿಯ ಬಗ್ಗೆ ಮನಮುಟ್ಟುವಂತೆ ಮಾತನಾಡಿದರು.

ಈ ಸಂದರ್ಭದಲ್ಲಿ ಸಂಸ್ಥೆಯ *ಪ್ರಾಂಶುಪಾಲರಾದ ಶ್ರೀ ಹರ್ಷ ಜೋಶಿ* ರವರು ಅಧ್ಯಕ್ಷತೆ ವಹಿಸಿದ್ದರು. ಅವರು ಮಾತನಾಡಿ, ಗುರುಕುಲದಲ್ಲಿ ಕನ್ನಡಕ್ಕೆ ನೀಡುತ್ತಿರುವ ಪ್ರಾಮುಖ್ಯತೆ ಮತ್ತು ವಿದ್ಯಾರ್ಥಿಗಳಲ್ಲಿ ಕನ್ನಡಾಭಿಮಾನ ಬೆಳೆಸುವ ಪ್ರಯತ್ನದ ಬಗ್ಗೆ ವಿವರಿಸಿದರು.

*ಇತರ ಗಣ್ಯರು:*
ಸಹಾಯಕ ನಿರ್ದೇಶಕರಾದ *ಜಯ್ ಸರ್* ಮತ್ತು *ಭರತ್ ಸರ್*, ಕಾರ್ಯಕ್ರಮದ ಸಂಯೋಜಕರಾದ *ಸತೀಶ್ ಸರ್* ಸೇರಿದಂತೆ ಎಲ್ಲಾ ಶಿಕ್ಷಕ ವೃಂದದವರು ಮತ್ತು ವಿದ್ಯಾರ್ಥಿಗಳು ಉತ್ಸಾಹದಿಂದ ಭಾಗವಹಿಸಿದ್ದರು.

ಕಾರ್ಯಕ್ರಮದ ಕೊನೆಯಲ್ಲಿ “ಸಿರಿಗನ್ನಡಂ ಗೆಲ್ಗೆ, ಸಿರಿಗನ್ನಡಂ ಬಾಳ್ಗೆ” ಎಂಬ ಘೋಷಣೆಯೊಂದಿಗೆ ಸಿಹಿ ವಿತರಿಸಲಾಯಿತು.