Pad – 1
Have mārā vahālāne nahi re visāru re,
Shvās uchhvāse te nitya sambhāru re. 1
Paḍyu māre Sahajānandjī shu pānu re,
Have hu to kem karī rākhīsh chhānu re. 2
Āvyu māre Harivar varvānu ṭāṇu re,
E var na maḷe kharche nāṇu re. 3
E var bhāgya vinā nav bhāve re,
E sneh lagna vinā nav āve re. 4
Durijan man re māne tem kahejyo re,
Swāmī mārā hradayānī bhītar rahejyo re. 5
Have hu to pūraṇ padvīne pāmī re,
Maḷyā mune Niṣhkuḷānandnā Swāmī re. 6
Pad – 2
Have mārā vahālānā darshan sāru,
Harijan āve hajāre hajāru. 1
Ḍholiye birāje Sahajānand Swāmī,
Pūraṇ Puruṣhottam antarjāmī. 2
Sabhāmadhye beṭhā muninā vrund,
Temā shobhe tāre vīntyo jem chandra. 3
Durgapur khel rachyo ati bhārī,
Bheḷā rame sādhu ane brahmachārī. 4
Tāḷī paḍe ūpaḍatī ati sārī,
Dhūnya thāy chaud lok thakī nyārī. 5
Pāghalaḍīmā chhogalīyu ati shobhe,
Joī joī harijannā man lobhe. 6
Padhāryā vahālo sarve te sukhnā rāshī,
Sahajānand Akṣhardhāmnā vāsī. 7
Bhāngī mārī janmojanamnī khāmī,
Maḷyā mune Niṣhkuḷānandnā Swāmī. 8
પદ – ૧
હવે મારા વહાલાને નહિ રે વિસારું રે,
શ્વાસ ઉચ્છ્વાસે તે નિત્ય સંભારું રે. ૧
પડ્યું મારે સહજાનંદજી શું પાનું રે,
હવે હું તો કેમ કરી રાખીશ છાનું રે. ૨
આવ્યું મારે હરિવર વરવાનું ટાણું રે,
એ વર ન મળે ખરચે નાણું રે. ૩
એ વર ભાગ્ય વિના નવ ભાવે રે,
એ સ્નેહ લગ્ન વિના નવ આવે રે. ૪
દુરિજન મન રે માને તેમ કહેજ્યો રે,
સ્વામી મારા હૃદયાની ભીતર રહેજ્યો રે. ૫
હવે હું તો પૂરણ પદવીને પામી રે,
મળ્યા મુને નિષ્કુળાનંદના સ્વામી રે. ૬
શ્વાસોચ્છ્વાસે
પદ – ૨
હવે મારા વહાલાનાં દર્શન સારુ,
હરિજન આવે હજારે હજારું. ૧
ઢોલિયે બિરાજે સહજાનંદ સ્વામી,
પૂરણ પુરુષોત્તમ અંતરજામી. ૨
સભા મધ્યે બેઠાં મુનિનાં વૃંદ;
તેમાં શોભે તારે વીંટ્યો જેમ ચંદ્ર. ૩
દુર્ગપુર ખેલ રચ્યો અતિ ભારી,
ભેળા રમે સાધુ અને બ્રહ્મચારી. ૪
તાળી પડે ઊપડતી અતિ સારી,
ધૂન્ય થાય ચૌદ લોક થકી ન્યારી. ૫
પાઘલડીમાં છોગલિયું અતિ શોભે,
જોઈ જોઈ હરિજનનાં મન લોભે. ૬
પધાર્યા વહાલો સર્વે તે સુખના રાશી,
સહજાનંદ અક્ષરધામના વાસી. ૭
ભાંગી મારી જન્મોજનમની ખામી,
મળ્યા મુને નિષ્કુળાનંદના સ્વામી. ૮
